الله اقوى يافقير القلب ابو نفس غنية=مالك الا الصبر والجنة..لقاها من لقاها
والهوى اللي يطرح الرجال فيدين اجنبية=علةٍ بالجوف لاتبرى ولا يلقى دواها
والهنوف اللي لرد الثار تاخذها الحمية=شفتها بالعين في قلبي وهي تاخذ قضاها
وشفتها تشتاق تطعني بلا ذنب وخطية=كثر ماتشتاق لأعماقي وانا اشتاق لدفاها
كل ماعرقت بميسمها تحريت لخويه=والحقت بالميسم الميسم كذا.. على عماها
عاقبتني كل يوم تلحق الكيّة بكيّة=واتعبتني وادركتني والحقت نفسي مداها
وان تمادت جهزوا قبري وانا بكتب وصيّة=بكتب الله لايعاقبها ويرضى لي علاها
العمار تلفها الايام والدنيا مدية=والسنين تلفني والنار تحرق من وطاها
علموها تلحق الباقي مدام الشمس حيّة=واتّغانم مابقى مني وما بطلب فداها
لاتمادى في جفاها والرياح الموسميّة=ما تقدر وقفة الأشجار وتثمّن عطاها
وعلموها مابقى لي غير أدن (( الهاشميّة ))=كان ترضاها علي والا تهوّن من جفاها
وانصحوها لا تحمل نفسها نفس برية=وذكروها بالقبر لعلها..والا عساها
وعلموها..علموها لاتطوّل فـ الحوية=ديرةً ماهيب ديرتها لو أعجبها هواها